Adnan Januzaj është kosovar, me prejardhje familjare nga Istogu. Mirëpo ai lindi në Bruksel ku prindërit e tij u shpërngulën nga Kosova pas okupimit serb.

Mesfushori i ri i Manchester Unitedit mahniti të gjithë më talentin e tij në sezonin e parë me ekipin senior të gjigantit nga Old Trafford.

Ai ende nuk është përcaktuar se cilën Kombëtare do ta përfaqësojë ndërsa opsionet nuk i mungojnë nga Shqipëria, Anglia, Belgjika, Turqia e disa shtete të tjera që kanë shprehur interesim ta natyralizojnë atë.

Mirëpo, tabloidi britanik Mirror e ka vendosur atë në garë për futbollistin më të mirë të ri belg të vitit 2013.

Januzaj është në garë me sulmuesin e Evertonit, Romelu Lukaku dhe atë të Aston Villas, Christian Benteke, portierin e Liverpoolit, Simon Mignolet dhe mesfushorin e Tottenham Hotspur, Nacer Chadli.

Me votat e deritashme prinë bindshëm Lukaku.