Mesfushori 25-vjeçar i’u bashkua Man Cityt javën e kaluar për 100 milionë funte në marrëveshjen më të madhe në historinë e futbollit anglez, duke u larguar nga klubi ku kishte kaluar gjithë karrierën e tij.

Transferimi i Grealish u pasua nga konfirmimi se Messi, i cili ka kaluar gjithë karrierën e tij në Barcelonë, do të largohej nga La Liga pasi ata nuk ishin në gjendje të përmbushnin një kontratë të re që ishte rënë dakord me lojtarin për shkak të “pengesave financiare dhe strukturore”.

“Ishte shumë e vështirë. Mendoj se të gjithë e dinë këtë,” tha Grealish, i cili mund të bëjë debutimin e tij në Premier ligë me ‘Citizens’ kur do të përballen me Tottenham në xhiron hapëse, të dielën.

“Unë u raportova për para-sezonin ashtu siç duhej. Atëherë menaxheri më donte të kthehesha, kështu që unë padyshim u ktheva për disa ditë. Ishte padyshim e vështirë, sepse në pjesën e prapme të kokës, e dija që mund të largohesha.

“Të gjithë e kanë parë siç ishte Messi në konferencën e tij të fundit për shtyp dhe kjo është mënyra e saktë se si unë e ndjeva veten.

“Para se të largohesha, në hotel, fola me ekipin, stafin dhe lojtarët dhe u përlota”, përfundoi mesfushori anglez. /Lajmi.net