Vrasjet kanë ndodhur në rrugën kryesore në rajonin al-Bakir të qytetit Hit.

Kryetari këshillit të provincës Anbar, Sabah Karhou, ka njoftuar se sunitët e vrarë ishin luftëtarë fisnorë, aleatë me qeverinë dhe anëtarët e forcave të sigurisë, transmeton REL.

Ata janë zënë, derisa militantët e IS kanë vazhduar me ofensivën e tyre në qytetin Hit, i cili gjendet rreth 140 kilometra larg kryeqytetit të Irakut.

Banorët kanë treguar se 30 burrat janë detyruar të parakalojnë nëpër qytet, të përcjellë nga militantët, të cilët përmes altoparlantëve i thërrisnin ata “tradhtarë që kanë luftuar kundër IS”, dhe më pas i kanë vrarë.

Qyteti Hit është uzurpuar nga militantët e IS në fillim të këtij muaji, pas një përplasjeje të ashpër që kanë zhvilluar me forcat e qeverisë dhe banorët e kësaj zone.