Sipas ‘Corriere della Sera’, ‘Nerazzurri’ do të bëjnë një ofertë të fundit për Lukaku, gjatë ditës së hënë, në rast se Juve nuk mbyll më herët marrëveshjen me belgun, transmeton lajmi.net.

Juventus po propozon një shkëmbim Dybala – Lukaku, por argjentinasi po hap telashe për ‘Zonjën e vjetër’, pasi ai nuk preferon një kalim në ‘Old Trafford’, të paktën pa biseduar me trajnerin Maurizio Sarri.

Agjenti i tij raportohet se kërkon 15 milionë euro, plus një pagë prej 12 milionë eurove në vit për lojtarin, shtuar edhe bonuset.

Në anën tjetër, ofertat e Inter kanë arritur deri në 60 milionë euro, por nuk kanë bindur drejtuesit e United.

Skuadra ‘Zi kaltër’ do të tentojë edhe një herë për yllin belg, me shpresën që të mbyll gjithçka në ‘frymën e fundit’. /Lajmi.net/