Zlatan Ibrahimoviq është rikthyer edhe një herë tjetër te Milani, por jo në pozitën si futbollist.

Ish-sulmuesi suedez është emëruar si Partner Operativ në portofolin e investimeve në Sport, Media dhe Argëtim, përcjell lajmi.net.

Lajmin e ka bërë të ditur faqja zyrtare e klubit “Rossoner” në rrjetet sociale.

Ibrahimoviq në atë pozitë do të shërbejë gjithashtu si Këshilltar i Lartë i Pronësisë dhe Menaxherimit të Lartë të Milanit.

“RedBird Capital Partners (“RedBird”) njoftoi sot emërimin e Zlatan Ibrahimoviq (“Ibra”) si Partner Operativ në portofolin e saj të investimeve në Sport dhe Media dhe Argëtim. Në këtë cilësi, ai do të shërbejë gjithashtu si Këshilltar i Lartë i Pronësisë dhe Menaxhimit të Lartë të AC Milan” – thuhet ndër tjerash në njoftimin e Milanit.

Press release: https://t.co/osDvvlHsZ3

Comunicato: https://t.co/tvBPF2jI8f pic.twitter.com/v7dykktAE3

— AC Milan (@acmilan) December 11, 2023

Ibra është një nga futbollistët më ikonë që ka luajtur ndonjëherë këtë lojë. Ai la gjurmë në çdo ekip për të cilin luajti, duke fituar 34 trofe mes Malmos, Ajax, Juventus, Inter Milan, Barcelona FC, AC Milan, Paris Saint-Germain, Manchester United dhe Los Angeles Galaxy.

Gjatë karrierës së tij, Ibra shënoi mbi 570 gola, duke përfshirë më shumë se 500 gola të klubit, dhe ka shënuar në secilën prej katër dekadave të fundit.

Ibra u emërua lojtari më i mirë në Serinë A të Italisë tre herë (2008, 2009, 2011) dhe u emërua lojtari më i mirë në Ligue 1 të Francës tre herë (2012, 2013, 2015). Ai ishte gjithashtu golashënuesi më i mirë i Serie A në 2009 dhe 2012, golashënuesi më i mirë i Ligue 1 në 2012, 2013 dhe 2015 dhe golashënuesi më i mirë i të gjitha kohërave për kombëtaren suedeze.

Më 4 qershor 2023, Ibra njoftoi tërheqjen e tij nga futbolli pas ndeshjes së fundit të Milan në sezonin e Serisë A, duke mbyllur karrierën e tij me kuqezinjtë./Lajmi.net/