Në 2012, asokohe 18-vjecar, Robertson në profilin e tij shkruante:“Jeta në këtë moshë pa para nuk vlen. Shoqëruar me hashtagun kam nevojë për punë”.

Disa tifozë të Liverpolit kanë evindentuar mesazhin e Robertston që vazhdon të jetë në faqen e tij.

Nëse dikur mbrojtësi kishte problem pjesën e parave sot nuk e vuan këtë pjesë, pasi tek The Reds ai ka një pagë prej 50 mijë sterlinash në javë.

Kontrata e tij e parë si profesionist ishte me Queens Park në ligën e parë skoceze, më pas tek Dundee United.

Në 2014-ën lojtari spikatet nga drejtues të Hull City-it skuadër që transferohet në 2014-ën ku dhe kaloi tre sezone përpara se të transferohej në Anfield, përcjell “SuperSport”.

Nga 2012-ta deri në 2018-ën jeta e Roberston ka ndryshuar rrënjësisht. Nga shqetësimi që kishte të bënte me të ardhurat e pakta e deri më tani, pjesë e Liverpolit dhe pas disa ditësh do të jetë në finalen e Champions League përballë Realit të Madridit. Ndoshta as vetë mbrojtësi skocez se kishte imagjinuar kurrë diçka të tillë.

Për Andrew Robertson ëndrrat mund të bëhen realitet nuk është thjeshtë një fjali inkurajuese.