Eden Hazard thotë se Manchester City ka ekip më të mirë se Chelsea. Mirëpo, mesfushori belg është i mendimit se edhe Blues janë në luftë për titull të kampionit në Premierligë.

Aktualisht, ekipi nga Stamford Bridge ka 66 pikë, 9 më shumë se Citizens (57), që kanë megjithatë tri ndeshje më pak të zhvilluara.

“Manchester City do të jetë kampion nëse i fiton të gjitha ndeshjes. Mirëpo, ne duhet të jemi të gatshëm t’i shfrytëzojmë të gjitha mundësitë”, theksoi përfaqësuesi belg për tabloidin britanik Daily Star.

“I kemi kualitetet e duhura për ta synuar pozitën e parë, por Manchester City mbetet favorit, sepse e ka një ekip më të mirë. Ne duhet të mundohemi t’i fitojmë të gjitha ndeshjet tona”, përfundoi Hazard, i cili është lojtari kryesor i ekipit të Jose Mourinhos këtë sezon.