Kryetari i Aleancës për Ardhmërinë e Kosovës, Ramush Haradinaj, ka pritur sot në takim ambasadorin e Gjermanisë në Kosovë, Jorn Rohde.

Përmes një postimi të kreut të AAK-së në Facebook, bëhet e ditur se takimi u fokusua në zhvillimet aktuale politike në vend, veçanërisht në situatën pas zgjedhjeve parlamentare dhe bllokadën disa mujore për konstituimin e Kuvendit dhe formimin e institucioneve të reja.

Haradinaj siç shkruhej, ka rikonfirmuar ambasadorit përkushtimin e tij dhe të Aleancës për të ndihmuar në tejkalimin e kësaj situate.

“I jam mirënjohës ambasadorit Rohde për angazhimin e tij të vazhdueshëm dhe për përkushtimin e palëkundur të Gjermanisë ndaj Kosovës dhe rrugëtimit të saj euroatlantik’, shkroi tutje Haradinaj.