Një grabitje me armë zjarri ka ndodhur sot në rrugën “Gazmend Zajmi” në Prishtinë.

Sipas informatave të para grabitja ndodhi në një institucion mikrofinanciar.

Kjo është konfirmuar edhe nga Policia e Kosovës, nga ku u tha se i dyshuari ka arritur që të grabisë një shumë të parave.

“Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i maskuar nën kërcënim të armës ka grabitur një shumë të parave. Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar”, ka thënë Flora Ahmeti, zëdhënëse e policisë./Lajmi.net/