Policia e Kosovës, ka njoftuar se sot në rrugën “Janina” në Prizren, një i moshuar është gjetur pa shenja jete.

Sipas njoftimit të Policisë, thuhet se personi i vdekur është M.G., i lindur më 1952, nga Prizreni, i cili ka qenë duke jetuar i vetëm në shtëpinë e tij, derisa vdekjen e viktimës e ka konfirmuar mjeku që ka qenë në vendin e ngjarjes.

Ndryshe lidhur me rastin janë njoftuar të gjitha njësitë relevante policore, të cilat kanë dalë në vendin e ngjarjes dhe kanë ndërmarrë të gjitha veprimet e nevojshme policore.

“Është njoftuar Prokurori Publik i Shtetit për rastin, i cili ka urdhëruar që trupi i pajetë të dërgohet në Institutin e Mjekësisë Ligjore në Prizren për autopsi. Hetimet lidhur me rastin janë duke vazhduar”, thuhet në njoftim. /Lajmi.net/