Fillimisht një qytetare me banim në rrugën “Fahredin Hoti”, ka denoncuar në Policinë e Prizrenit rastin e vjedhjes së rëndë e cila kishe ndodhur në shtëpinë e saj, me ç’ rast ishte vjedhur një sasi e konsiderueshme e stolive të arta. 

Pas pranimit të rastit, hetues policorë kanë nisur me hetimin e rastit, ku është identifikuar personi i dyshimtë i cili është arrestuar dhe është intervistuar në prani të avokatit mbrojtës. 

Sipas Policisë, i ballafaquar me provat materiale, i dyshuari i ka treguar policisë edhe për pesë raste tjera të ngjashme. Në konsultim me prokurorin, është vendosur që i dyshuari të ndalët nën masën e arrestit policor, ndërsa hetuesit po punojnë për zbardhjen e rasteve të tjera.