Bayern Munich ka pësuar një humbje që mund t’u kushtojë me titull nga Leipzig.

‘Bavarezët’ u mposhtën me përmbysje 3:1 nga Leipzig, shkruan lajmi.net.

Nëse Dortmundi fiton nesër atëherë ka në duar fatin e titullit të Bundesligës.

Bayerni ishin ata që kaluan fillimisht në epërsi.

Në minutën e 25’ shënoi Serge Gnabry.

Me 1:0 në favor të gjigantit gjerman u mbyll pjesa e parë.

Në 45 minutat e tjerë Leipzig rikthyen gjithçka në favor të tyre.

Laimer barazoi rezultatin në minutën e 65’.

Kurse për të përmbysur gjithçka u përkujdes kush tjetër pos Christopher Nkunku.

Francezi u tregua i saktë nga penalltia në minutën e 76’ të ndeshjes.

Kjo nuk ishte e tëra, pasi mysafirët shënuan edhe njëherë.

Në minutën e 86’ realizoi nga penalltia Szoboszlai dhe vulosi dilemën e fituesit.

Pas kësaj humbje Bayerni mban vendin e parë me 68 pikë, një më shumë se Borussia Dortmund, me këta të fundit një ndeshje më pak të zhvilluar.

Kurse, Leipzig përforcon vendin e tretë me 63 pikë gjithsej./Lajmi.net/