Francezët dominojnë kualifikueset e Moto GP në Brno – Zarco në ‘pole-position’ para Quartararo
Mungesa e Marc Marquez u ka dhënë hapësirë emrave të tjerë në garat e Moto GP.
Sport
Grand Prix i Brno do të zhvillohet nesër, kurse sot kemi parë kualifikueset për këtë garë, shkruan lajmi.net.
Sot pista u dominua nga pilotët francez, pasi në tri pozitat e para të kualifikueseve qëndruan dy francezë.
Johann Zarco i Ducati shfrytëzoi për mrekulli gabimin e Fabio Quartararo, duke bërë që nesër të niset në ‘pole-position’.
Pas tij u rendit francezi tjetër, Fabio Quartararo me Yamaha, kurse në pozitën e tretë ishte Franco Morbidelli, po ashtu nga skuadra e Yamaha.
Më shumë pritej nga spanjolli Maverick Vinales, i cili sot përfundoi në pozitën e pestë.
Në anën tjetër, kampioni në fuqi, Marc Marquez, vazhdon të mungojë pasi ka dëmtuar shpatullën në aksidentin që pësoi në garën e parë të këtij sezoni. /Lajmi.net/
ALLEZ ALLEZ! 🇫🇷@JohannZarco1 pips @FabioQ20 for pole position in a French 1-2 ahead of @FrankyMorbido12! ⏱️@MonsterEnergy | #CzechGP 🇨🇿 pic.twitter.com/JOgF87FUL8
— MotoGP™🏁 (@MotoGP) August 8, 2020