Joao Felix duket se s’e ka marrë aspak afër zemrës eliminimin e Atletico Madridit nga Champions League.

Të paktën kështu duket në disa video të publikuara së fundi, ku lojtari shihet teksa luan bowling menjëherë pas barazimit ndaj Bayer Leverkusen, përballje kjo që e “zyrtarizoi” mospjesëmarrjen e mëtutjeshme të “Los Colchoneros” në këtë kompeticion.

?? Les dirigeants de l’Atletico sont mécontents de l’attitude de João Félix ! ?

En effet, le portugais est sorti jouer au bowling juste après le match contre le Bayer Leverkusen… ?

• ??? @ellarguero • pic.twitter.com/PDKUiDNAbA

— Atleti Francia ?? (@AtletiFrancia) October 28, 2022

Raportimet nga Spanja thonë se lojtari e ka ndërmarrë këtë aktivitet pak kohë pas lojës, duke i irrituar jo pak tifozët e klubit madrilien.

Për këtë gjest u pyet edhe Diego Simeone, i cili preferoi të mos i hedhë “benzinë” “zjarrit”.

Argjentinasi u mjaftua duke thënë se nuk i përzihet në jetën personale asnjë lojtari.

Felix është duke u përfolur se mund të ndërrojë ambient qysh në janar, për shkak të mungesës së formës optimale tek ish-kampionët spanjollë.

Sulmuesi është duke gjetur seç herë e më pak minuta, si në La liga, ashtu edhe në Champions League.

Si skuadër e interesuar seriozisht për të është Manchester United, e cila kërkon që ta zëvendësojë Cristiano Ronaldon, pasi ky i fundit duket se s’e ka ndërmend të qëndrojë. /Lajmi.net/