Ernest Muçi në “radarin” e Napolit
Napoli ka shprehur interesim për sulmuesin e Legia Warszawes, Ernest Muçi.
Sport
Ernest Muçi është me prejardhje shqiptare dhe po shihet si lojtar i së ardhmes.
Futbollisti aktualisht është 21-vjeçar dhe luan me të dyja këmbët.
Sipas asaj që bëjnë të ditur mediet italiane, vetë presidenti i napoletanëve, Aurelio De Laurentis, po e sheh të arsyeshme që të investohet në lojtar të rinj e me perspektive.
Njëri ndër ta po konsiderohet edhe shqiptari që gjatë këtij sezoni me skuadrën polake ka shënuar katër gola në 21 ndeshje.
Muçi ka një paraqitje me ekipin A të kombëtares së Shqipërisë, përderisa ka luajtur edhe për ekipet zinxhirë.
Ai në Legia Warszawa u transferua nga KF Tirana në vitin 2021. /Lajmi.net/