Mesfushori Ergyn Ahmeti është larguar përfundimisht nga skuadra e Dukagjinit para pak ditësh.

Lajmi është konfirmuar për lajmi.net nga burime të mirëinformuara rreth klubit klinas.

Ahmeti dhe drejtuesit e Dukagjinit kanë mbajtur një takim para disa ditësh dhe është vendosur për largimin e futbollistit.

Burime të lajmi.net kanë bërë të ditur se Ahmeti pritet t’i bashkohet skuadrës së Llapit.

27-vjeçari është pjesë e Dukagjinit nga vera e vitit 2021 kur iu bashkua pas aventurës te Drita.

Përveç Dukagjinit dhe Dritës, Ahmeti në të kaluarën ka bërë karrierë edhe te Prishtina e Trepça./Lajmi.net/