Luis Enrique ka dhënë disa komente para ndeshjes Portugali – Spanjë.

Selektori i kombëtares së Spanjës, Enrique nuk është kursyer në raport me lojtarët e tij, të cilët nuk i sheh në nivelin më të lartë të mundshëm.

Sipas trajnerit spanjoll, skuadra e Portugalisë është skuadër më e mirë me lojtarë me përvojë më të madhe.

“Sa i përket Spanjës së sotme, Portugalia ka lojtarë më të mirë sesa Spanja. Lojtarë startues në Premier League, La Liga dhe kampionate të tjera”, ka thënë Enrique, transmeton lajmi.net.

“Eksporton shumë lojtarë, është kombëtare interesante. Shpresoj të dyja skuadrat të bëjnë mirë në Kupën e Botës”, shtoi trajneri i Spanjës.

Spanja dhe Portugalia përballen sonte, në një duel që përcakton skuadrën që luan në ‘Final-Four’ të Ligës së Kombeve. /Lajmi.net/