Ajo që dukej një goditje pa shumë pasoja, është shndërruar në tragjedi.

Gjatë ndeshjes së Superligës së Indonezisë ndërmjet PSAP Sigli e Persiraja, një aksion ka rezultuar me vdekje të një futbollisti.

Pas një goditjeje nga distanca, portieri nuk arriti ta ndal topin në tentimin e parë dhe goditi futbollistin në ajër.

Akli Fairuz, sulmues i ekipit Persiraja po vraponte me një mbrojtës kundërshtar drejt topit, kur e pësoi goditjen në bark nga portieri kundërshtar.

Ai u dërgua menjëherë në spital dhe iu nënshtrua një intervenimi kirurgjik.

Por, ai kishte shumë dëmtime të brendshme dhe përkundër tentimeve të mjekëve për ta shpëtuar, në fund ai vdiq.