Të shtëna me armë zjarri u raportua të ketë patur mbrëmë në poligonin e qitjes “Target” në Gjilan.

Si shkak i këtyre të shtënave i plagosur mbeti një zyrtar policor.

Nga Policia e Kosovës në lidhje me këtë rast raportohet se në poligon të dyshuarit në këtë rast i është bllokuar armë, me ç’rast të njëjtit nga pakujdesia aksidentalisht i ka shkrepur arma dhe ka qëlluar viktimën, zyrtar policor.

“Raportohet se në një poligon të gjuajtjes të dyshuarit mashkull kosovar dyshohet se i është bllokuar arma, me ç’rast të njëjtit dyshohet se nga pakujdesia aksidentalisht i ka shkrepur arma dhe ka qëlluar viktimën mashkull kosovar (zyrtar të PK-së). Viktima është dërguar në QKUK për trajtim mjekësor”,thuhet në njoftim.

Gjithashtu u theksua se në lidhje me këtë rast me vendim të prokurorit është arrestuar i dyshuari dhe instruktori i poligonit për gjuajtje.

Të njëjtit janë dërguar në mbajtje.

“Si prova materiale lidhur me rastin janë sekuestruar tri armë zjarri, rasti nën hetime”./Lajmi.net/