Cristiano Ronaldo shënoi sërish kundër Rayo Vallecano-s, në fitoren 2-0 që Real Madrid-i arriti të mërkurën.

Megjithatë, këtë radhë vëmendja nuk ka qenë te numri i golave të portugezit, por te gjesti i tij i çuditshëm pas golit.

Siç shihet edhe në foto, Ronaldo bën një veprim polemik pas golit të shënuar (shenjë sikur dikush po e vjedh), si protestë kundër kartonit të verdhë që mori më parë, kur nuk iu akordua një penallti në favor, duke iu konsideruar simulim.

Tani në Spanjë media të ndryshme kërkojnë dënimin e tij, sepse nuk është hera e parë që vepron kështu, duke treguar mungesë respekti për autoritetin e futbollist spanjoll.

Megjithatë, si për të shtuar polemikat, një ndër lojtarët e Barça-s, Pique, ka deklaruar sot: “Nuk është hera e parë që Ronaldo e bën atë gjest dhe kurrë nuk e kanë dënuar, ndaj nuk besoj se do të ndodhë tani.”