David Luiz nuk do të pensionohet tek Arsenal
David Luiz ka bërë të ditur se nuk planifikon pensionimin tek Arsenal.
Sport
Mbrojtësi brazilian iu bashkua skuadrës së kuqe të Londrës gjatë vitit të kaluar, duke bërë lëvizje befasuese nga Chelsea.
Lojtari ka pasur paraqitje mesatare me Arsenal dhe është tashmë duke u afruar me pensionimin e tij.
Por, braziliani ka bërë të ditur se do të ndryshojë skuadër edhe një herë, para se të pensionohet.
“Unë gjithmonë them se do të doja ta përfundoja karrierën time te skuadra e Benfica”, ka thënë Luiz për faqen zyrtare të Benfica, transmeton lajmi.net.
“Në futboll çdo gjë ndryshon, çfarë sot është e vërtetë, nesër është gënjeshtër, por ndjenjat e mia nuk ndryshojnë”, ka shtuar braziliani.
“E dua Benfican. Ëndrra ime është të shkel edhe një herë në ‘Estadio da Luz’, me fanellat e tyre. Për gjithçka që kalova, për çfarë Benfica është në jetën time dhe historinë time, për gjithçka. Benfica është më shumë se çdo lojtar”, ishin fjalët e Luiz.
David Luiz është tashmë në moshën 33 vjeçare, por forma e tij është në rënie, dhe pensionimi mund të mos jetë larg. /Lajmi.net/