Tifo-grupi i Kosovës, Dardanët kanë lëshuar një mesazh përmes ‘Facebook’, ku duket se mes rreshtash tregojnë pakënaqësinë e tyre me angazhimin e disa lojtarëve.

Dardanët bëjnë thirrje të lëshohet rrugë nga kombëtarja, nëse ndonjë lojtar nuk e ndjenë fanellën.

“Fanella duhet të ndjehet, e vërtetë. Kush nuk e ka kuptuar, le ta kuptojë ose le të lëshojë rrugë”, thuhet në postim.

Më poshtë lajmi.net jua përcjell postimin e plotë të Dardanëve, të cilët ftojnë të besohet deri në betejën e fundit.

Ndeshja me Greqinë nuk përfundoi ashtu siç deshëm ne, por kjo nuk duhet të na shtyjë të demoralizohemi dhe të dorëzohemi para kohës. Luftëtarët besojnë deri në betejën e fundit. Kjo ishte vetëm e dyta, e që u humb në mënyrë të hidhur.