Trepça 89′ ka zbuluar se ka filluar shitja e biletave për ndeshjen e kthimit në rrethin e parë të kualifikimeve për Ligën e Kampionëve kundër ekipit nga Ishujt Faro, Vikingur.

Ekipi mitrovicas u mposht në duelin e parë me rezultat 2:1.

Çmimi i biletave për këtë takim është 2, 4 dhe 7 euro.

Sjellim më poshtë postimin e Trepçës ’89 rreth shitjes së biletave:

Qytetarë të Republikës së Kosovës ju njoftojmë se nga dita e diel, 02.07.2017, do të dalin në shitje biletat për ndeshjen e kthimit për kualifikim të Ligës së Kampionëve ndërmjet KF Trepça’89 FC – Vikingur Gota.

Koha e shitjes ora 10:00

Vendi i shitjes: Sheshi i qytetit

Vërejtje:

Biletat janë super të mbrojtura nga keqpërdorimi (falsifikimi), të keni kujdes të blihen në pikat e shitjes kompetente ose prej të afërmeve që ju garantojnë se nuk janë të manipuluara.

Gjithashtu ju njoftojmë se sot nga ora 18:00 do të mbahet stërvitja e klubit në stadiumin Adem Jashari dhe Ju qytetar do të keni mundësinë nga afër të përcillni stërvitjet.

Ndeshja fillon prej orës 18:00

Dyert e stadiumit hapen prej orës 15:30

Ju mirëpresim

Mirë se vini