Juan Cuadrado, pas një vere përplot me spekulime, është afër marrëveshjes për vazhdimin e kontratës me Fiorentinën.

Palët, sipas të përditshmes italiane “La Nazione”, janë pajtuar që në kontratën e re të jetë i përfshirë një dëmshpërblim prej 35 milionë euro.

Marrëveshja do të vlejë deri në verën e vitit 2019, ndërsa është mbetur për t’u definuar vetëm paga e rritur e yllit kolumbian.

Cuadrado gjatë afatit kalimtar të verës u kërkua nga Barcelona dhe Manchester United, por në fund mbeti në Firencë, ku vështirë se do të qëndrojë shumë gjatë për faktin se klubet e mëdha ende e duan në skuadrat e tyre.