Çdo i katërti nxënës në Prishtinë me mbipeshë

12:24 | 13 Tetor 2016

Çdo i katërti nxënës në Komunën e Prishtinës, nga klasa e parë deri në të nëntën ka probleme me mbipeshë. Këto të dhëna kanë dalë nga Raporti i vizitave sistematike të nxënësve të Shkollave Fillore të Mesme të Ulët 2015/2016, i hartuar nga Komuna e Prishtinës. Problemet më të theksuar me obez janë vërejtur tek meshkujt.

Të dhënat tregojnë se 22.3 për qind e nxënësve në Prishtinë është me obozitet. Sipas rezultateve të vizitave  të nxënësve  të kl I dhe V dhe IX, është vërejtur se çdo i pesti fëmije vuan nga ndonjë formë e deformimit, e disa fëmijë kanë më shumë se një deformimet, raporton lajmi.net.

Fillimisht, raportin e ka shpalosur, kryetari i Prishtinës, Shpend Ahmeti. Ai ka thënë se është viti i tretë që po publikojmë raporte të tilla. “Nga viti në vit po shohim se cilat janë ndryshimet tek fëmijët, kemi vërejtur që ka pasur disa ndryshime pozitive. Por, më shqetësuesja në këtë vit është mbipesha. Sipas statistikave, çdo i katërti nxënës është me mbipeshë. Por, këtë dua ua lëmë ekspertëve për analizë të mëtejme. Kur e patëm filluar këtë nismë, kemi gjetur disa fëmijë që kanë pasur probleme me zemrën dhe falë vrojtimeve të hershme i kemi shpëtuar ata”, ka thënë Ahmeti.

Raporti është hartuar nga  dr. Teuta Hoxha dhe dr, Nexhmedin Hoti.

Nexhmedin Hoti ka thënë se ndryshime në të pamur janë paraqitur te çdo i shtati fëmijë, ose 13.7 për qind.

“Duke  përcjellë periudhën trevjeçare shihet një rritje të fëmijët me skoliozë. Gjatë vizitave sistematike janë identifikuar sëmundje dhe gjendje për të cilat zakonisht, nxënësit nuk kërkojnë trajtim mjekësor, deformitete me boshtin kurrizor, qëndrimin jo të drejtë të trupit, mbiushqyshmëria–obesitetit, etj. Gjatë vizitave mjeksore janë vërejtur nxënës me pengesa në të pamur, dëgjuar, ngecje në zhvillim psiko fizik, çrregullim në të folur, ndryshime në sistemin kardiovaskularm karjes tj”, ka thënë Hoti

Në këtë vit janë vizituar 10050 nxënës, gjegjësisht 86 për qind nga numri i përgjithshëm i tyre.

Vizitat tregojnë se edhe në këtë vit problemet u evidentuan kryesisht në deformimet trupore, obezitetet dhe ndryshime në të parë. /Lajmi.net