Të dielën, Bitcoin arriti vlerën më të madhe deri tani duke prekur shumën 58 mijë dollarë, shkruan lajmi.net.

Kriptovaluta është rritur më shumë se 90% që nga fillimi i janarit të këtij viti. Vlera totale në market tani ka arritur mbi 1 trilionë.

Rritja e fundit ka qenë e shkaktuar nga Tesla dhe kompanitë e tjera të mëdha që filluan ta pranojnë Bitcoin si pagesë.

Mirëpo Bitcoin është valutë jo stabile, që dihet se ka pasur luhatje të mëdha që nga krijimi në vitin 2009.

Bitcoin e nisi këtë vit me vlerë $28,900, në fillim të janarit, ai arriti vlerën $40,000, dhe në fund të muajit ra në vlerën $30,000.

Mirëpo me 16 shkurt Bitcoin tejkaloi vlerën $50,000 dhe vazhdoi të ngritët deri në $58,000 të dielën. /Lajmi.net/