Chelsea dhe Ben Chilwell kanë zyrtarizuar marrëveshjen për zgjatjen e kontratës.

Mbrojtësi i krahut të majtë, Ben Chilwell me kontratën e re do të jetë pjesë e “Bluve” deri në vitin 2027, shkruan lajmi.net.

26-vjeçari kishte kontratë valide me “Blutë” e Londrës deri në qershor të vitit 2025, por që tanimë është shtyrë edhe për dy vite të tjera.

“Ben Chilwell ka rënë dakord të vazhdojë kontratën e tij me Chelsea Football Club edhe për dy vite të tjera. Marrëveshja e re, e cila do ta mbajë 26-vjeçarin në Stamford Bridge të paktën deri në verën e vitit 2027, u finalizua sot”, thuhet në komunikatën e lëshuar nga Chelsea.

“Ndihem shumë i vendosur në Chelsea dhe e kam shijuar vërtet kohën time në fushë këtu, kështu që jam shumë i kënaqur që klubi dëshiron që unë të jem pjesë e projektit afatgjatë dhe jam shumë i lumtur që nënshkruaj këtë zgjatje të kontratës sime”.

“Ne po punojmë shumë për sukses dhe do të bëj çmos që të sjell më shumë buzëqeshje në fytyrat e fansave që më kanë bërë të ndihem kaq i mirëpritur”, ka thënë Chilwell për faqen zyrtare të klubit londinez./Lajmi.net/

Two more years for @BenChilwell! ?

— Chelsea FC (@ChelseaFC) April 11, 2023