Por njohës të çështjeve politike dhe të integrimeve evropiane në vend, nuk mendoj kështu, shkruan sot “Tribuna”.

Njohësi i integrimeve evropiane Emrash Ujakni ka thënë se të vlerësosh se bashkësia ndërkombëtare ka dështuar në Kosovë është vlerësim i ngutshëm. Ai thotë se në Kosovë ka pasur progres andaj sipas tij nuk vlen një konstatim i tillë.

“Të gjykosh se bashkësia ndërkombëtare ka dështuar në Kosovës është vërtetë një konstatim pak i ngutshëm, edhe pse një pjesë e madhe e opinionit vendor dhe ndërkombëtarë vazhdojnë me qenë kritik ndaj shumë zhvillimeve që kanë ndodh në Kosovë me vet prezencën ndërkombëtare”.

“Janë bërë përpjekje të krijohen institucione që këto sfida me të cilat po ballafaqohet Kosova, nuk është që meritojnë kritikë dhe një konstatim të tillë që ka dështuar bashkësia ndërkombëtare”, ka thënë Ujkani.

Ndërkaq, Dren Doli nga Grupi për Studime Juridike dhe Politike ka vlerësuar se bashkësia ndërkombëtare ka treguar suksesin e saj në Kosovë në kuptimin e shtetndërtimit të Kosovës si dhe funksionimit të institucioneve të drejtësisë.

“Në rastin e Kosovës unë besoj që suksesi i bashkësisë ndërkombëtare është evident si në kuptim të ndërtimit të shtetit të ri të Kosovës i cili ka përqafuar parimet më bashkëkohore demokratike, por edhe në kuptim të funksionimit të institucioneve të rendit dhe ligjit”.