Barca ofron edhe Rakiticin për Pjanic, Juventus refuzon gjithçka që nuk quhet Arthur
Barcelona ka intensifikuar negociatat me Juventus, për Miralem Pjanic.
Sport
Miralem Pjanic po lidhet me një transferim të mundshëm në ‘Camp Nou’, pak kohë para se merkatoja e verës të hapet.
Mbrëmë raportohej se Barca dhe Juve kanë marrëveshje mes vete. Sipas atyre raportimeve, Nelson Semedo kalon te Juventus, kurse Barca merr 25 milionë euro + De Sciglio dhe Pjanic.
Gjithçka është hedhur poshtë sot. Romeo Agresti raporton së fundmi se Barca ka ofruar shërbimet e Ivan Rakitic, për të siguruar Pjanic, por Juventus ka refuzuar gjithçka, transmeton lajmi.net.
‘Biankoneri’ pranojnë vetëm shkëmbimin me Arthur Melo, për ta liruar mesfushorin boshnjak.
Marrëveshja do të jetë e vështirë, pasi në ‘Camp Nou’ e pëlqejën Arthur dhe nuk janë të gatshëm ta lirojnë. /Lajmi.net/