Atletico Madrid po vazhdon me rezultate negative në Champions League.

‘Los Rojiblancos’ kanë luajtur baras pa gola, në ndeshjen që e luajtën në kuadër të grupeve të Champions League, përballë Club Brugge, shkruan lajmi.net.

Skuadra e Diego Simeone, ndonëse pati nevojë për tri pikët, nuk arriti të krijonte mjaftueshëm sa për të shënuar.

Për tetë minutat e fundit, belgët e Brugge luajtën me një lojtar më pak, kur Sowah u ndëshkua me karton të kuq (i dyti i verdhë), por as kjo s’ndihmoi mjaftueshëm Atleticon.

Me barazimin e sotëm, Club Brugge siguron kualifikimin, duke shkuar në 10 pikë për pozitën e parë në tabelë.

Atletico mbetet me vetëm 4 pikë dhe i jep mundësi Portos ose Bayer Leverkusen (të dyja nga tri pikë) që ta tejkalojnë në tabelë për pozitën e dytë. /Lajmi.net/