Anësori, i cili iu bashkua Arsenalit nga Lille për 72 milionë funte në verën e vitit 2019, ishte golashënuesi i dytë më i mirë i klubit sezonin e kaluar, por ai ka pasur vështirësi këtë vit.

Pepe ka luajtur vetëm 122 minuta në Premier Ligë që nga fillimi i tetorit dhe kjo ka bërë që ai të lidhet me një lëvizje këtë janar.

Newcastle, me të cilin Arsenali luan të shtunën në Emirates Stadium, është vlerësuar si një destinacion i mundshëm, ndërsa AC Milan është përmendur gjithashtu.

Por i pyetur nëse do të kishte ndonjë ofertë për Pepen, Arteta tha: “Jo, dhe nuk është momenti për të folur as për këtë. Ne jemi të interesuar që Nico të performojë në nivelin që ai mund të bëjë.

“Ai kishte disa momente vërtet të mira që kur kam qenë këtu, disa momente ku ai nuk ka marrë pjesë aq shumë, si gjithë të tjerët.”

Pepe mund të jetë në formacionin startues të shtunën nëse Arteta shënon ndryshimet pas humbjes së javës së kaluar ndaj Liverpool-it. Kieran Tierney mund të kthehet si mbrojtës i majtë për Nuno Tavares, ndërsa Martin Odegaard mund të zëvendësojë Alexandre Lacazette në rolin numër 10.

Newcastle është në fund të Premierligës dhe ende kërkon fitoren e parë të sezonit.

Eddie Howe u emërua gjatë pushimit ndërkombëtar dhe klubi është në gjendje të shpenzojë ndjeshëm në janar duke pasur parasysh ndikimin financiar të pronarëve të tyre nga Arabia Saudite.

Përpjekja e tyre për rekrutim mund të kujtojë atë të Manchester Cityt një dekadë më parë, kur ata u morën nga pronarët nga Abu Dhabi. Klubi bëri disa nënshkrime nga Arsenali, duke përfshirë Emmanuel Adebayor dhe Samir Nasri, por Arteta nuk po fokusohet në përsëritjen e historisë.

“Mendoj se lojtarët duhet të qëndrojnë në klubet e futbollit kur mendojnë se i përkasin diku, kur ndihen të rëndësishëm për të, kur ndiejnë vlerë në çdo aspekt dhe kur është rasti që normalisht lojtarët duan të qëndrojnë,” tha ai.

“Kur lojtarët fillojnë të vendosin diçka tjetër, [është] sepse ata kanë nevojë për diçka ndryshe në të ardhmen e tyre. Ndonjëherë nuk është financiare, herë është arsye sportive, herë është familja, problem me përshtatjen, ka shumë raste të ndryshme”, ka përfunduar tekniku spanjoll. /Lajmi.net/