Të premten njësiti i Hetimeve të Stacionit Policor Novobërdë përmes rrugëve operative kanë pranuar informacion se një person në fshatin Bushincë, komuna e Novobërdës është duke ecur nëpër fshat i cili dyshohet se me vete posedon një armë.

Me të pranuar informacionin hetuesit policorë kanë lokalizuar vendndodhjen e të dyshuarit dhe kanë arrestuar të njëjtin.

I dyshuari është 63 vjeçari M.J nga komuniteti serb.

Lajmi është bërë i ditur në një njoftim të fundit të policisë.

Gjatë kontrollit në brez i është gjetur dhe konfiskuar një (1) revole e tipit Cervena Zastava, një (1) karikator dhe tetë fishekë.

Me leje nga Prokurori i Shtetit është realizuar edhe një kontrolle në shtëpinë dhe objektet përcjellëse të të dyshuarit ku janë gjetur dhe konfiskuar edhe dymbëdhjetë (12) fishekë të kalibrit 7.62 mm.

I dyshuari pas shoqërimit në Stacioni Policor në Novobërdë është intervistuar në bazë të procedurave ligjore dhe ndaj tij me urdhër të Prokurorit të Shtetit do të ngritët kallëzim penal për veprën penale ‘’Mbajtja në pronësi, kontroll ose posedim i pa  autorizuar të armëve’’.