Arrestohet në Serbi një zyrtar i Kosovës
Policia e Serbisë ka arrestuar një zyrtar të Kosovës, derisa po kthehej në Kosovë.
Lajme
Ministri i Punëve të Jashtme të Kosovës, Behgjet Pacolli, ka bërë të ditur se autoritetet serbe kanë arrestuar Marjan Gjokajn, i cili punon për Administratën Tatimore të Kosovës, derisa po kthehej në Kosovë, shkruan lajmi.net.
Përmes një njoftimi në profilin e tij zyrtar në rrjetin social Facebook, Pacolli, ka dënuar këtë veprim të Serbisë dhe ka kërkuar lirimin e menjëhershëm të Gjokajt.
Njoftimi i plotë i Pacollit pa ndërhyrje:
Sapo jam informuar se autoritetet shteterore te Serbisë kanë arrestuar Marjan Gjokajn i cili punon për Administratën Tatimore të Kosovës, derisa po kthehej në Kosovë.
Unë e dënoj këtë veprim të vazhdueshëm të Serbisë kundër qytetarëve të Kosovës dhe kërkoj lirimin e menjëhershëm të tij.
Frikësimi dhe provokimet ndaj zyrtarëve të Kosovës qe udhetojnë në Serbi nga aparati i sigurisë se Serbisë është një kujtim i mentalitetit të viteve ’90 në Beograd sot. /Lajmi.net/