Policia e Kosovës në Klinë ka arrestuar dy persona të dyshuar për veprat penale: Vrasje e rëndë e mbetur në tentativë si dhe Shtytje në vrasje të rëndë.

Ata dyshohet të kenë kryer veprat penale të hënën, më 14 korrik duke e lënë të lënduar një person.

“Drejtoria Rajonale e Policisë nё Pejë, Stacioni Policor në Klinё, me datë 14.07.2025, rreth orës 21:20, është njoftuar nga QMF-Klinё, se njё person ёshtё i lënduar me mjet tё mprehtë [thikё], i cili ёshtё dёrguar ne Spitalin Rajonal nё Pejё, pёr tretman mjekёsor”, njoftoi Policia e Kosovës.

Policia tha se i është përgjigjur menjëherë rastit dhe në vendin e ngjarjes nuk janë hasur të dyshuarit.

Ata, sipas Policisë, janë kontaktuar nga hetuesit dhe janë paraqitur në Stacionin Policor në Klinë, rreth orës 23:10.

“Tё dyshuarit pas intervistimit nga hetuesit e Sektorit Rajonal pёr Hetime, me urdhёr tё Prokurorit tё shtetit janё dёrguar nё mbajtje pёr 48-orё, pёr veprat e lartёcekura”, tha Policia në një komunikatë për media të martën, më 15 korrik.