Policia e Kosovës ka njoftuar se është arrestuar një 52 vjeçar në veri të Mitrovicës.

Sipas njoftimit të policisë, S.D, është ndaluar nga njësitet përkatëse ku në bagazhin e veturës i ka gjetur një kallashnikov.

Përpos armës së lartpërmendur, organet e rendit kanë gjetur dhe konfiskuar një karikator, pesë fishekë të kalibrit 7,62 mm si dhe pajisje për prodhimin e kriptovalutave.

52 vjeçari, me urdhër të prokurorit është ndaluar për 48 orë.

“Ndaj tij është iniciuar rast për veprën penale ’Mbajtje në pronësi, kontrolle apo posedim i paautorizuar i armëve”, thuhet në njoftim./Lajmi.net/