Menjëherë pas konfirmimit nga ana e drejtuesve të Federatës së Futbollit të Kosovës (FFK) për miqësoren e dytë ndërkombëtare kundër Turqisë, dueli në fjalë është paraqitur në orarin e takimeve të ardhshme në uebfaqen e mirënjohur të rezultateve, Livescore.

Pas ballafaqimit të parë historik kundër Haitit në Mitrovicë, Kosova ka zyrtarizuar edhe takimin e radhës pasi do të ndeshet me Turqinë e Fatih Terimit më 21 maj.

Konfirmimi i duelit në fjalë menjëherë ka filluar të paraqitet edhe në uebfaqet që merret me përcjelljen e drejtpërdrejt të ndeshjeve dhe Livescore.com ka vendosur takimin Kosova-Turqia në orarin e saj të ballafaqimeve të ardhshme miqësore ndërkombëtare.

Për më tepër, Kosova ka siguruar edhe takimin e tretë të karakterit miqësor pasi skuadra e Albert Bunjakit do të luajë kundër Senegalit më 25 maj në Gjenevë.