Prokuroria Speciale e Kosovës është deklaruar në lidhje me vendimin e Gjykatës Themelore në Prishtinë ndaj Hysni Selimit, i akuzuar për veprën penale të spiunazhit.

Prokuroria deklaroi se ky vendim përfaqëson një hap të rëndësishëm në zbatimin e sundimit të ligjit dhe në mbrojtjen e sigurisë kombëtare.

“Prokuroria Speciale e Republikës së Kosovës mbetet e përkushtuar në ndjekjen e rasteve që cenojnë rendin kushtetues dhe interesat e Republikës së Kosovës, duke vepruar në përputhje me ligjin dhe standardet më të larta profesionale.”

Ndryshe, Gjykata Themelore në Prishtinë ka shpallur aktgjykim dënues ndaj Hysri Selimit, duke e dënuar me 6 vjet burgim për spiunazh.

Aktgjykimi u shpall të hënën nga kryetari i trupit gjykues, Leon Përlaska dhe anëtarët Medie Bytyqi dhe Kushtrim Shyti.

Selimi, i cili më parë ka qenë i dënuar edhe për pjesëmarrje në ISIS, u dënua me 6 vjet burgim për spiunazh, i cili dënim ekzekutohet pas plotfuqishmërisë së këtij aktgjykimi./Lajmi.net/