Dardan Gashi, nga “Lista Dr.Ibrahim Rugova”, thotë se shpërfillja e familjes Rugova, nga LDK’ja, prej se është arrestuar Ukë Rugova, bën që të ketë pak gjasa se kjo listë do të bashkëpunoj me LDK’në.

“Është vështirësuar shumë çështja e bashkëpunimit me LDK’në për shkak se prej arrestimit të Ukë Rugovës e këndej LDK’ja nuk ka pasur asnjë kontakt me familjen Rugova dhe as me ne. Nuk e shoh të arsyeshme, në fund të fundit, qta vazhdojmë bashkëpunimin politik me LDK’në, e cila qartazi është mospërfillëse ndaj kësaj familje”.

“Z.Mustafa prej se është në burg Ukë Rugova ka harruar që ekziston ai”.

“Mundësinë e bashkëpunimit me LDK’në e ka zbehur mospërfillja e familjes Rugova nga ana e kësaj partie prej arrestimit të Ukë Rugovës e këndej”.

Në një intervistë dhënë për “Epoka e Re”, Gashi thotë se po duket se LDK po përmend emrin e Presidentit Ibrahim Rugova, vetëm “kur kanë nevojë për vota”.

“Po, ashtu po duket.”

“Është e rëndësishme që emri i presidentit historik Ibrahim Rugova dhe familjes së tij të mos përmenden vetëm kur kanë nevojë për vota”.

Dardan Gashi thotë se “Lista Dr.Ibrahim Rugova”, do të marr pjesë në zgjedhje, por akoma nuk është vendosur nëse do të kandidojnë vetëm. Ai shpreson se sërish do të jenë pjesë e vendimmarrjes.

“Fakti që Ukë Rugova ndodhet në paraburgim nuk do të thotë se ne jemi dorëzuar politikisht sepse ai nuk është shpallur fajtor”.

“Do të vazhdojmë të jemi aktivë në jetën poltike, mirëpo mënyra se si do të kërkojmë votën nuk është vendosur ende”.

“Shpresojmë se do të jemi pjesë e vendimmarrjes edhe në mandatin e ardhshëm”.

I pyetur se kur dëshiron që të mbahen zgjedhjet, Gashi u përgjigj se dëshiron që ato të mbahen në muajin maj.