Përmes një postimi në Facebook, Ymeri ka kritikuar Lëvizjen Vetëvendosje për atë që e ka cilësuar si dallim në çmimin e energjisë elektrike.

“Lëvizja VETËVENDOSJE! me strukturën e vet instaluese në energji ka vendos që deri në 22.4% me pagu më shtrenjtë kosovarët rrymën sesa serbët në veriun e Kosovës”, ka shkruar Ymeri.

Ajo ka reaguar edhe ndaj shpërndarjes së videove ku, sipas saj, paraqitet dhe kritikohet publikisht.

“Mund të vazhdoni me shpërnda video ku paraqitem dhe linçohem”, ka shtuar deputetja e LDK-së.

Në fund, Ymeri ka thënë se pasojat e këtij dallimi, sipas saj do të ndihen nga qytetarët përmes faturave të energjisë elektrike.

“E vërteta, pa dyshim se i vjen secilit në terr, në ftohtë e në fatura”, ka përfunduar deputetja nga Ferizaj.