Ish-kryetari i OVL-UÇK-së, Nasim Haradinaj, u ka bërë thirrje protestuesve për qetësi, pas tensioneve gjatë protestës në Prishtinë.

Haradinaj është parë duke iu drejtuar protestuesve, duke kërkuar që protesta të mos përshkallëzohet dhe duke theksuar se nuk duhet të ketë përplasje me Policinë e Kosovës.

“S’kemi asgjë me policinë tonë”, ka thënë Haradinaj, duke u bërë thirrje protestuesve për qetësi.

Protesta është zhvendosur tashmë nga objekti i EULEX-it drejt Qeverisë së Kosovës, ndërsa gjatë protestës janë thyer edhe xhamat. /Lajmi.net/