Dje, ambasada amerikane në Kosovë ka paralajmëruar stafin që të shmangin lëvizjet në afërsi të vendeve, ku siç thuhet në njoftim, janë paralajmëruar demonstrata për të mërkurën e 16 shtatorit, ditën kur do të merret vendimi për ish-krerët e UÇK-së në Hagë.

Lidhur me këtë, sot, në Kosova Live, ka folur ish-komandanti i FSK’së, Rrahman Rama.

‘’Nuk e marrë tragjike edhe vetë deklaratën e ambasadës amerikane, që e ka dhanë, e ka dhanë për personelin e vet. Pas çdo vendimi të madh që pritet, dhe është një pritje e gjatë e qytetarëve, institucionet e sigurisë, e kanë procedurë standarade që me i marrë masat.  Mos e merrni këtë shqetësuese. Ne po flasim për një proces që është shumë i rëndësishëm për Kosovën, dhe qytetarët e presin një vendin pozitiv. Dhe normal që institucionet e sigurisë, që janë të thirrura për rend, i kanë procedurat e veta që duhet t’i ndërmarrin. I kisha lut secilin, që mos të bëjnë panikë koti, sepse janë procedura standarde, të rregullta.