Një person është gjetur pa shenja jete mëngjesin e sotëm në fshatin Zajm të Klinës.

Rastin e ka konfirmuar për lajmi.net zëdhënësi i Policisë së Kosovës për rajonin e Pejës, Driton Rugova.

Sipas Rugovës, viktima ishte shpallur person i zhdukur nga familjarët gjatë ditës së djeshme.

“Pas një pune intensive të njësiteve Policore, sot rreth orës 10:10, personi i zhdukur është gjetur në fshatin Zajm-Klinë, i cili ishte pa shenja jete, këtë e ka konstatuar ekipi mjekësor”, ka deklaruar Rugova.

Ai ka bërë të ditur se në vendin e ngjarjes kanë dalë hetuesit nga Sektori Rajonal për Hetime në DRP-Pejë dhe prokurori i shtetit.

Me urdhër të prokurorit, trupi i pajetë është dërguar në Institutin e Mjekësisë Ligjore në Prishtinë për obduksion.

Rasti është cilësuar si “Hetim i vdekjes”. /Lajmi.net/