Mëngjesin e sotëm një objekt në Suharekë është kapluar nga flakët.

Rastin për lajmi.net, e ka konfirmuar zëdhënësi i Policisë në Prizren, Shaqir Bytyqi.

Bytyqi ka thënë se zjarri ka shpërthyer në qendrën tregtare ETC në Suharekë.

Derisa intervenim të menjëhershëm kanë pasur, zjarrfikësit policia dhe KEDS, mirëpo ende nuk është arritur që të shuhet plotësisht zjarri.

“Zjarri ka marr përmasa të mëdha. Zjarrëfikësit po po punojnë në shuarjen e tij. Për momentin është arrit të eliminohet rreziku që zjarri të përhapet më tutje”, ka thënë Bytyqi.

Ndërkaq si pasoj e zjarrit janë shkaktuar dëme të mëdha materiale, ndërsa nuk është raportuar për të lënduar deri më tani.

“Policia do ta hetoj rastin si incident zjarri”, tha Bytyqi. /Lajmi.net/