Kryetari i Klinës, Zenun Elezaj ka reaguar pas vrasjes së dyfishtë që ndodhi në qendër të Klinës.

Elezaj u ka shprehur ngushëllime familjarëve të Rexhep dhe Albison Shlivova nga fshati Jashanicë të Klinës, të cilët mbetën të vdekur.

“Me dhimbje e pikëllim të madh kam marrë lajmin për rastin e sotëm, ku mbetën të vdekur Rexhep dhe Albison Shlivova nga fshati Jashanicë. Ky lajm i papritur e i kobshëm tronditi thellë jo vetëm familjen e dy të ndjerëve, por na preku thellë të gjithëve. Në emrin tim dhe të komunës së Klinës i shpreh ngushëllime të sinqerta familjes Shlivova, miqve dhe të gjithë atyre që i kanë njohur Rexhepin dhe Albisonin”, shkroi Elezaj në Facebook.