Analisti Dukagjin Gorani, duke folur për atentatin ndaj Donald Trump tha se kjo që ka ndodhë në Amerikë “për ymër tem s’e kisha besu që e mbërrij një botë si kjo”.

“Jemi duke e pa një botë të trazuar, e cila kurrë si ka pas punët më mirë”, tha Gorani në T7.

“Efektivisht bota kurrë s’ka qenë më e zhvilluar, ekonomikisht, teknologjikisht dhe politikisht. Përveç luftës në Ukrainë që është një luftë përsëri edhe ajo tregim në veti sepse s’ka arsye racionale pse ka nisë e pse po vazhdon. Kurrë më pak s’ka pas konflikte në botë…Kurrë më e vogël nuk ka qenë uria, sëmundjet masive janë zhdukë sot”, u shpreh Gorani.

“Me pas shpërthime të urrejtjes brenda shoqërive, këtë s’ma ka marrë mendja që e shoh. Donald Trump është përfaqësues i një pakënaqësie…Ai e ka sjellë pakënaqësinë në një nivel të lëvizjeve masive dhe shoqërore, pra Donald Trump e përfaqëson politikën e emocioneve”, tha ai.

“Ne jemi duke u përballë me një botë që nuk po jemi në gjendje me analizu drejtë”, tha Gorani.