Një aksident trafiku me motoçikletë ka ndodhur sot në fshatin Dobroshec të Drenasit, ku kanë mbetur të lënduara dy vajza.

Të dyja të lënduarat janë dërguar në QKUK për trajtim.

Derisa njëra prej tyre është në gjendje tejet të rëndë dhe po trajtohet në Mjekimin Intensiv Qendror.

Rreth gjendjes së saj ka folur mjeku kujdestar në MIQ, Mentor Alimusaj.

“Gjendja e saj është tepër e rëndë. Ende është në intubim. Ka lëndime serioze në kokë, në tru. Jemi duke e mbajtur me barëra inotrope, për ta stabilizuar tensionin. Shpresa ka pak, po presim”, tha ai për Klankosova.tv