Llapi është një nga skuadra aktive të afatit kalimtar të verës duke transferuar disa futbollist.

Klubi nga Podujeva ka zyrtarizuar të shtunën (sot) futbollistin meksikan, Jose Cobian, shkruan lajmi.net.

Lajmin e ka konfirmuar faqja zyrtare e klubit llapjan në rrjetet sociale.

“Mirësevjen Jose Cobian” – ka shkruar shkurtimisht Llapi në faqen zyrtare.

Cobian i është bashkuar Llapit pas aventurës në Meksikë te skuadra elitare, Zacatecas.

Vlen të përmendet se vlera e futbollistit në fjalë është 500 mijë euro, sipas uebfaqes “Transfermarkt”.

Transferimi i Jose Cobian u konfirmua ditë më parë për lajmi.net edhe nga trajneri i Llapit, Tahir Batatina.

Batatina ekskluzivisht për lajmi.net: Llapi ka siguruar shërbimet e një meksikani me vlerë 150 mijë euro

Përveç ardhjeve të reja, nga Llapi janë larguar edhe disa lojtarë në këtë merkato verore./Lajmi.net/