Kapiteni i Real Madridit, Nacho Fernandez në një intervistë dhënë për EL Chiringuito ka folur hapur rreth disa emrave të spekuluar në media për transferim të mundshëm në Madrid.

Harry Kane është raportuar të jetë prioriteti i Real Madridit këtë verë, për të zëvendësuar të larguarin Karim Benzeman që nënshkroi me Al Ittihad.

Përveç Kane, në disa merkato është raportuar edhe transferimi i mundshëm i Mbappes, dëshira e kahmotshme e “mbretërve”.

Nacho ka thënë se sulmuesi anglez i Tottenham Hotspur, Harry Kane do të përshtatej në “Santiago Bernabeu”.

“Harry Kane do të përshtatej në mënyrë të përsosur këtë verë dhe Mbappe do të vinte verën tjetër” – tha fillimisht Nacho, transmeton lajmi.net.

“Nëse do të ishte në dorën time, Mbappen do ta sillja këtë verë”, deklaroi ai.

Real Madridi deri më tani ka zyrtarizuar Fran Garcian nga Rayo Vallecano dhe rikthimin e Brahim Diaz nga Milani.

Ndërkaq, pritet së shpejti edhe zyrtarizimi i Jude Bellingham që vjen nga Borussia Dortmund./Lajmi.net/