Real Madridi është interesuar seriozisht për kapitenin e Bayern Munich – Joshua Kimmich.

Klubi mbretëror e sheh futbollistin gjerman si pasardhës të bashkëkombasit të tij, Toni Krossit.

“Real Madrid po ndjek Kimmich, i cili mund të trashëgojë Toni Kroos dhe Luka Modric në vitin 2024”, raportojnë mediat gjermane.

Kimmich mori shiritin e kapitenit të bavarezëve deri në fund të sezonit në Bundesligë.

Ky mesfushor i madh mbërriti te Bayerni në vitin 2015 për 8.5 milionë euro dhe ka kontratë me klubin gjerman deri në verën e vitit 2025.

Vlera e tij aktuale sipas Transfermarkt është 80 milionë euro./Lajmi.net/