Përveç derbit të sezonit mes Dritës dhe Ballkanit, java 33-të përmbyllet sot edhe me dy ndeshje tjera në program.

Finalistët e Kupës së Kosovës këtë edicion, Prishtina dhe Gjilani do të përballen në stadiumin “Fadil Vokrri” në kryeqytet, shkruan lajmi.net.

Si Prishtina, ashtu edhe Gjilani synojnë fitore për të vazhduar luftën për një vend që dërgon në garat evropiane.

Gjilani është i treti me 50 pikë, ndërkohë Prishtina zë vendin e pestë me 43 pikë të grumbulluara.

Formacionet zyrtare:

Prishtina: Kolaj; Krasniqi, Belica, Hyseni, Kryeziu, Bytyqi, Hamiti, Useini, Pefqeli, Gashi, Shefiti.

Gjilani: Koliçi, Jashari, Bilalli, Ismaili, Zeka, Ramadani, Cale, Sinani, Islami, Musolli, Hoxha.

Takimi tjetër do të zhvillohet në stadiumin “Zahir Pajaziti” në Podujevë me Llapin që është nikoqir i Ferizajt.

Llapi ndodhet në vendin e gjashtë me 41 pikë, ndërkohë Ferizaj është i parafundit me 34 pikë.

Formacionet zyrtare:

Llapi: Avdyli, Raoul, Alidema, Firmino, Rivera, Selimi, Krasniqi, Bytyqi, Stafa, Maliqi, Neto

Ferizaj: Jovanovski, Bardhi, Halili, Qerkini, Avdulli, Sadriu, Sefa, Edon Sadriu, Krasniqi, Haxhimusa, Panadiq

Të gjitha përballjet zhvillohen me fillim nga ora 15:00./Lajmi.net/